نواز شریف کی رات اڈیالہ جیل میں گزری، لاہور منتقلی کے انتظامات مکمل


Sajjad Bhutta Posted on December 25, 2018

اسلام آباد: سابق وزیراعظم نواز شریف نے رات اڈیالہ جیل میں گزاری، آج لاہور کی کوٹ لکھپت جیل منتقل کیا جائے گا، پنجاب حکومت نے نواز شریف کو جیل میں 'بیٹر کلاس' کی سہولیات کی اجازت دیدی، محکمہ داخلہ نے منظوری کا نوٹیفکیشن جاری کر دیا۔
پنجاب حکومت نے نواز شریف کو کوٹ لکھپت جیل میں بیٹر کلاس سہولیات کی اجازت دیدی، نواز شریف کی درخواست پر پنجاب حکومت نے بیٹر کلاس سہولیات دینے کا فیصلہ کیا۔ محکمہ داخلہ پنجاب کے نوٹیفکیشن کے مطابق نواز شریف کو بیٹر کلاس کے تحت جیل کی بیرک میں ذاتی بستر، من پسند لباس، ٹی وی اور اخبار کی سہولیات بھی میسر ہوں گی۔